រឿងពិតនេះបានបោះពុម្ពផ្សាយជាច្រើនភាសាក្នុងពិភពលោក
នៅខែមេសា ឆ្នាំ១៩៧៥ ការបណ្តេញប្រជាជនពីក្រុងភ្នំពេញ ដែលបានធ្លាក់ចូលក្រោមអំណាច អង្គការបដិវត្តន៍ ជាការចាប់ផ្តើមដំណើរការមួយឆ្ពោះទៅឋាននរកលោកិយ របស់ពលរដ្ឋរាប់លាននាក់ ក្នុងប្រទេសកម្ពុជា។ លោកវិស្វករ ពិន យ៉ាថៃ ខំតស៊ូអត់ធ្មត់មិនឱ្យបាក់ស្មារតីក្នុងចំណោមសមាជិកគ្រួសារ ដែលបានបាត់បង់ជីវិតម្នាក់ម្តងៗ យ៉ាងសែនវេទនា។ ក្រោយពីលោករត់គេចផុតពីក្រញាំអង្គការមកដល់ក្រៅប្រទេស លោកបានរៀបរាប់អំពីព្រឹត្តិការណ៍នានា ក្នុងសន្និសីទជាច្រើននៅបស្ចឹមប្រទេស និងក្នុងសៀវភៅនេះ ទុកជាសក្ខីភាពនៃការអនុវត្តដោយឥតត្រាប្រណីនូវមនោគមន៍វិជ្ជាមហាឃាតកររបស់ពួកវា។
ជាឯកសារយោងដ៏សំខាន់មួយ ក្នុងការកាត់ក្តីមេដឹកនាំខ្មែរក្រហម សៀវភៅលោក ពិន យ៉ាថៃ ដែលបានបោះពុម្ពជាខេមរភាសា ចំនួនប្រាំលើកសរុបបាន ១៥ ៣០០ ក្បាលហើយនោះ នឹងលាតត្រដាងដោយលម្អិតនូវឧក្រិដ្ឋកម្មនៃអង្គការបដិវត្តន៍មកលើប្រជាជនយើង ក្នុងរបបកម្ពុជាប្រជាធិបតេយ្យ។
