ថ្ងៃនេះម៉ែខ្ញុំស្លាប់ ឬប្រហែលពីម្សិលមិញទេក៏មិនដឹង។ ខ្ញុំបានទទួលទូរលេខមួយមកពី «មន្ទីរសង្គ្រោះមនុស្សចាស់ជរា» ដែលមានសេចក្តីថា៖ «ម្តាយស្លាប់។ បញ្ចុះសពនៅថ្ងៃស្អែក។ ដោយការរាប់អានជាទីបំផុត»។ សេចក្តីទាំងនេះមិនដឹងជាមានន័យថាម៉េចផងទេ គឺប្រហែលគាត់ស្លាប់ពីម្សិលមិញហើយមើលទៅ។
បីល្បះ! បីល្បះខ្លីៗ អាចឱ្យគេមើលឃើញដល់ជម្រៅបេះដូងរបស់តួអង្គឯក។ បីល្បះនេះក៏ធ្វើឱ្យកេរ្តិ៍លោក អាល់ប៊ែរ កាមុយ ល្បីល្បាញពេញពិភពលោកដែរ។
នៅពេលកំពុងជាប់ឃុំឃាំង នាយមើរសូ ដែលជាតួអង្គឯក គិតដល់វិធីគេចពីគុក ដល់សេរីភាពពេលផុតពីរនាំងនេះ ហើយសង្ឃឹមថានឹងត្រូវគ្រាប់កាំភ្លើងពេលកំពុងរត់ ដូចជាវីរបុរសម្នាក់។ «ប៉ុន្តែដល់គិតយូរៗទៅ ខ្ញុំគ្មានលទ្ធភាពអាចធ្វើរឿងដ៏អស្ចារ្យននេះឡើយ ព្រោះគ្មានច្រកចេញឡើយ សម្រេចសម្រួលទៅ អ្វីដែលនឹងកើតឡើង គឺនឹងកើតឡើង។»
អ្វីដែលលោក កាមុយ លើកឡើងនេះគឺជាការពិតមួយដែលពុំអាចបដិសេធបាន…
— សេង សុវណ្ណដារ៉ា អ្នកសិក្សាស្រាវជ្រាវនៃសមាគមអក្សរសិល្បិ៍កម្ពុជា
